A Tippling Ballad — When Princes and Prelates, etc.
On the Duke of Brunswick’s Breaking up his Camp, and the defeat of the Austrians, by Dumourier, November 1792.
WHEN Princes and Prelates,
And hot-headed zealots,
A’ Europe had set in a low, a low,
The poor man lies down,
Nor envies a crown, 5
And comforts himself as he dow, as he dow,
And comforts himself as he dow.
The black-headed eagle,
As keen as a beagle,
He hunted o’er height and o’er howe, 10
In the braes o’ Gemappe,
He fell in a trap,
E’en let him come out as he dow, dow, dow,
E’en let him come out as he dow.
• • • • • • •
But truce with commotions, 15
And new-fangled notions,
A bumper, I trust you’ll allow;
Here’s George our good king,
And Charlotte his queen,
And lang may they ring as they dow, dow, dow, 20
And lang may they ring as they dow.
Chronological List of Poems
Alphabetical List of Poems
1793
Chronological List of Poems
Alphabetical List of Poems
392.
Poortith cauld and restless love (Song)
Tune— “Cauld Kail in Aberdeen.”
O POORTITH cauld, and restless love,
Ye wrack my peace between ye;
Yet poortith a’ I could forgive,
An ‘twere na for my Jeanie.
Chorus. — O why should Fate sic pleasure have, 5
Life’s dearest bands untwining?
Or why sae sweet a flower as love
Depend on Fortune’s shining?
The warld’s wealth, when I think on,
It’s pride and a’ the lave o’t; 10
O fie on silly coward man,
That he should be the slave o’t!
O why, &c.
Her e’en, sae bonie blue, betray
How she repays my passion; 15
But prudence is her o’erword aye,
She talks o’ rank and fashion.
O why, &c.
O wha can prudence think upon,
And sic a lassie by him? 20
O wha can prudence think upon,
And sae in love as I am?
O why, &c.
How blest the simple cotter’s fate!
He woos his artless dearie; 25
The silly bogles, wealth and state,
Can never make him eerie,
O why, &c.
Chronological List of Poems
Alphabetical List of Poems
393.
Epigram on Politics
IN Politics if thou would’st mix,
And mean thy fortunes be;
Bear this in mind, be deaf and blind,
Let great folk hear and see.
Chronological List of Poems
Alphabetical List of Poems
394.
Braw Lads o’ Gala Water (Song)
BRAW, braw lads on Yarrow-braes,
They rove amang the blooming heather;
But Yarrow braes, nor Ettrick shaws
Can match the lads o’ Galla Water.
But there is ane, a secret ane, 5
Aboon them a’ I loe him better;
And I’ll be his, and he’ll be mine,
The bonie lad o’ Galla Water.
Altho’ his daddie was nae laird,
And tho’ I hae nae meikle tocher, 10
Yet rich in kindest, truest love,
We’ll tent our flocks by Galla Water.
It ne’er was wealth, it ne’er was wealth,
That coft contentment, peace, or pleasure;
The bands and bliss o’ mutual love, 15
O that’s the chiefest warld’s treasure.
Chronological List of Poems
Alphabetical List of Poems
395.
Sonnet on the Author’s Birthday
On hearing a Thrush sing in his Morning Walk.
SING on, sweet thrush, upon the leafless bough,
Sing on, sweet bird, I listen to thy strain,
See aged Winter, ‘mid his surly reign,
At thy blythe carol, clears his furrowed brow.
So in lone Poverty’s dominion drear, 5
Sits meek Content with light, unanxious heart;
Welcomes the rapid moments, bids them part,
Nor asks if they bring ought to hope or fear.
I thank thee, Author of this opening day!
Thou whose bright sun now gilds yon orient skies! 10
Riches denied, thy boon was purer joys —
What wealth could never give nor take away!
Yet come, thou child of poverty and care,
The mite high heav’n bestow’d, that mite with thee I’ll share.
Chronological List of Poems
Alphabetical List of Poems
396.
Wandering Willie (Song)
First Version
HERE awa, there awa, wandering Willie,
Now tired with wandering, haud awa hame;
Come to my bosom, my ae only dearie,
And tell me thou bring’st me my Willie the same.
Loud blew the cauld winter winds at our parting; 5
It was na the blast brought the tear in my e’e:
Now welcome the Simmer, and welcome my Willie,
The Simmer to Nature, my Willie to me.
Ye hurricanes rest in the cave o’your slumbers,
O how your wild horrors a lover alarms! 10
Awaken ye breezes, row gently ye billows,
And waft my dear laddie ance mair to my arms.
But if he’s forgotten his faithfullest Nannie,
O still flow between us, thou wide roaring main;
May I never see it, may I never trow it, 15
But, dying, believe that my Willie’s my ain!
Chronological List of Poems
Alphabetical List of Poems
397.
Wandering Willie (Revised Version) (Song)
Revised Version
HERE awa, there awa, wandering Willie,
Here awa, there awa, haud awa hame;
Come to my bosom, my ain only dearie,
Tell me thou bring’st me my Willie the same.
Winter winds blew loud and cauld at our parting, 5
Fears for my Willie brought tears in my e’e,
Welcome nowhSimmer, and welcome, my Willie,
The Simmer to Nature, my Willie to me!
Rest, ye wild storms, in the cave of your slumbers,
How your dread howling a lover alarms! 10
Wauken, ye breezes, row gently, ye billows,
And waft my dear laddie ance mair to my arms.
But oh, if he’s faithless, and minds na his Nannie,
Flow still between us, thou wide roaring main!
May I never see it, may I never trow it, 15
But, dying, believe that my Willie’s my ain!
Chronological List of Poems
Alphabetical List of Poems
398.
Lord Gregory: A Ballad
O MIRK, mirk is this midnight hour,
And loud the tempest’s roar;
A waefu’ wanderer seeks thy tower,
Lord Gregory, ope thy door.
An exile frae her father’s ha’, 5
And a’ for loving thee;
At least some pity on me shaw,
If love it may na be.
Lord Gregory, mind’st thou not the grove
By bonie Irwine side, 10
Where first I own’d that virgin love
I lang, lang had denied.
How aften didst thou pledge and vow
Thou wad for aye be mine!
And my fond heart, itsel’ sae true,
15
It ne’er mistrusted thine.
Hard is thy heart, Lord Gregory,
And flinty is thy breast:
Thou bolt of Heaven that flashest by,
O, wilt thou bring me rest! 20
Ye mustering thunders from above,
Your willing victim see;
But spare and pardon my fause Love,
His wrangs to Heaven and me.
Chronological List of Poems
Alphabetical List of Poems
399.
Open the door to me, oh (Song)
OH, open the door, some pity to shew,
Oh, open the door to me, oh,
Tho’ thou hast been false, I’ll ever prove true,
Oh, open the door to me, oh.
Cauld is the blast upon my pale cheek, 5
But caulder thy love for me, oh:
The frost that freezes the life at my heart,
Is nought to my pains frae thee, oh.
The wan Moon is setting beyond the white wave,
And Time is setting with me, oh: 10
False friends, false love, farewell! for mair
I’ll ne’er trouble them, nor thee, oh.
She has open’d the door, she has open’d it wide,
She sees the pale corse on the plain, oh:
“My true love!” she cried, and sank down by his side, 15
Never to rise again, oh.
Chronological List of Poems
Alphabetical List of Poems
400.
Lovely young Jessie (Song)
TRUE hearted was he, the sad swain o’ the Yarrow,
And fair are the maids on the banks of the Ayr;
But by the sweet side o’ the Nith’s winding river,
Are lovers as faithful, and maidens as fair:
To equal young JESSIE seek Scotland all over; 5
To equal young JESSIE you seek it in vain,
Grace, beauty, and elegance, fetter her lover,
And maidenly modesty fixes the chain.
O, fresh is the rose in the gay, dewy morning,
And sweet is the lily, at evening close; 10
But in the fair presence o’ lovely young Jessie,
Unseen is the lily, unheeded the rose.
Love sits in her smile, a wizard ensnaring;
Enthron’d in her een he delivers his law:
And still to her charms SHE alone is a stranger; 15
Her modest demeanour’s the jewel of a’.
Chronological List of Poems
Alphabetical List of Poems
401.
Meg o’ the Mill (Song)
O KEN ye what Meg o’ the Mill has gotten,
An’ ken ye what Meg o’ the Mill has gotten?
She gotten a coof wi’ a claut o’ siller,
And broken the heart o’ the barley Miller.
The Miller was strappin, the Miller was ruddy; 5
A heart like a lord, and a hue like a lady;
The laird was a widdifu’, bleerit knurl;
She’s left the gude fellow, and taen the churl.
The Miller he hecht her a heart leal and loving,
The lair did address her wi’ matter mair moving, 10
A fine pacing-horse wi’ a clear chained bridle,
A whip by her side, and a bonie side-saddle.
O wae on the siller, it is sae prevailin’,
And wae on the love that is fixed on a mailen!
A tocher’s nae word in a true lover’s parle, 15
But gie me my love, and a fig for the warl’!
Chronological List of Poems
Alphabetical List of Poems
402.
Meg o’ the Mill (Another Version) (Song)
Another Version
O KEN ye what Meg o’ the Mill has gotten,
An’ ken ye what Meg o’ the Mill has gotten?
A braw new naig wi’ the tail o’ a rottan,
And that’s what Meg o’ the Mill has gotten.
O ken ye what Meg o’ the Mill lo’es dearly, 5
An’ ken ye what Meg o’ the Mill lo’es dearly?
A dram o’ gude strunt in the morning early,
And that’s what Meg o’ the Mill lo’es dearly.
O ken ye how Meg o’ the Mill was married,
An’ ken ye how Meg o’ the Mill was married? 10
The priest he was oxter’d, the clark he was carried,
And that’s how Meg o’ the Mill was married.
O ken ye how Meg o’ the Mill was bedded,
An’ ken ye how Meg o’ the Mill was bedded?
The groom gat sae fou’, he fell awald beside it, 15
And that’s how Meg o’ the Mill was bedded.
Chronological List of Poems
Alphabetical List of Poems
403.
The Soldier’s Return: A Ballad
Air— “The Mill, mill, O.”
WHEN wild war’s deadly blast was blawn,
And gentle peace returning,
Wi’ mony a sweet babe fatherless,
And mony a widow mourning;
I left the lines and tented field, 5
Where lang I’d been a lodger,
My humble knapsack a’ my wealth,
A poor and honest sodger.
A leal, light heart was in my breast,
My hand unstain’d wi’ plunder; 10
And for fair Scotia hame again,
I cheery on did wander:
I thought upon the banks o’ Coil,
I thought upon my Nancy,
I thought upon the witching smile 15
That caught my youthful fancy.
At length I reach’d the bonie glen,
Where early life I sported;
I pass’d the mill and trysting thorn,
Where Nancy aft I courted: 20
Wha spied I but my ain dear maid,
Down by her mother’s dwelling!
And turn’d me round to hide the flood
That in my een was swelling.
Wi’ alter’d voice, quoth I, “Sweet lass, 25
Sweet as yon hawthorn’s blossom,
O! happy, happy may he be,
That’s dearest to thy bosom:
My purse is light, I’ve far to gang,
And fain would be thy lodger; 30
I’ve serv’d my king and country lang —
Take pity on a sodger.”
Sae wistfully she gaz’d on me,
And lovelier was than ever;
Quo’ she, “A sodger ance I lo’ed, 35
Forget him shall I never:
Our humble cot, and hamely fare,
Ye freely shall partake it;
That gallant badge-the dear cockade,
Ye’re welcome for the sake o’t.” 40
She gaz’d — she redden’d like a rose —
Syne pale like only lily;
She sank within my arms, and cried,
“Art thou my ain dear Willie?”
“By him who made yon sun and sky! 45
By whom true love’s regarded,
I am the man; and thus may still
True lovers be rewarded.
“The wars are o’er, and I’m come hame,
And find thee still true-hearted; 50
Tho’ poor in gear, we’re rich in love,
And mair we’se ne’er be parted.”
Quo’ she, “My grandsire left me gowd,
A mailen plenish’d fairly;
And come, my faithfu’ sodger lad, 55
Thou’rt welcome to it dearly!”
For gold the merchant ploughs the main,
The farmer ploughs the manor;
But glory is the sodger’s prize,
The sodger’s wealth is honor: 60
The brave poor sodger ne’er despise,
Nor count him as a stranger;
Remember he’s his country’s stay,
In day and hour of danger.
Chronological List of Poems
Alphabetical List of Poems
404.
Epigram — The True Loyal Natives
Versicles, A.D. 1793
YE true “Loyal Natives” attend to my song
In uproar and riot rejoice the night long;
From Envy and Hatred your corps is exempt,
But where is your shield from the darts of Contempt!
Chronological List of Poems
Alphabetical List of Poems
405.
Epigram — Commissary Goldie’s Brains
LORD, to account who dares thee call,
Or e’er dispute thy pleasure?
Else why, within so thick a wall,
Enclose so poor a treasure?
Chronological List of Poems
Alphabetical List of Poems
406.
Lines Inscribed in a Lady’s Pocket Almanack
GRANT me, indulgent Heaven, that I may live,
To see the miscreants feel the pains they give;
Deal Freedom’s sacred treasures free as air,
Till Slave and Despot be but things that were.
Chronological List of Poems
Alphabetical List of Poems
407.
Epigram — Thanks for a National Victory
YE hypocrites! are these your pranks?
To murder men and give God thanks!
Desist, for shame! — proceed no further;
God won’t accept your thanks for MURTHER!
Chronological List of Poems
Alphabetical List of Poems
408.
Commemoration of Rodney’s Victory
INSTEAD of a Song, boy’s, I’ll give you a Toast;
Here’s to the memory of those on the twelfth that we lost! —
That we lost, did I say? — nay, by Heav’n, that we found;
For their fame it will last while the world goes round.
The next in succession I’ll give you’s THE KING! 5
Whoe’er would betray him, on high may he swing!
And here’s the grand fabric, our free CONSTITUTION,
As built on the base of our great Revolution!
And longer with Politics not to be cramm’d,
Be ANARCHY curs’d, and TYRANNY damn’d! 10
And who would to LIBERTY e’er prove disloyal,
May his son be a hangman — and he his first trial!
Chronological List of Poems
Alphabetical List of Poems
409.
Epigram — The Raptures of Folly
THOU greybeard, old Wisdom! may boast of thy treasures;
Give me with young Folly to live;
I grant thee thy calm-blooded, time-settled pleasures,
But Folly has raptures to give.
Chronological List of Poems
Alphabetical List of Poems
410.
Epigram — Kirk and State Excisemen
YE men of wit and wealth, why all this sneering
‘Gainst poor Excisemen? Give the cause a hearing:
What are your Landlord’s rent-rolls? — Taxing ledgers!
What Premiers? — What ev’n Monarchs? — Mighty Gaugers!
Nay, what are Priests? (those seeming godly wise-men,) 5
What are they, pray, but Spiritual Excisemen!
Chronological List of Poems
Alphabetical List of Poems
411.
Extempore Reply to an Invitation
THE KING’S most humble servant, I
Can scarcely spare a minute;
But I’ll be wi’ you by an’ by;
Or else the Deil’s be in it.
Chronological List of Poems
Alphabetical List of Poems
412.
A Grace after Meat
LORD, we thank, and thee adore,
For temporal gifts we little merit;
At present we will ask no more —
Let William Hislop give the spirit.
Chronological List of Poems
Alphabetical List of Poems
413.
Grace before and after Meat
O LORD, when hunger pinches sore,
Do thou stand us in stead,
And send us, from thy bounteous store,
A tup or wether head! Amen.
—— ——
O Lord, since we have feasted thus, 5
Which we so little merit,
Let Meg now take away the flesh,
And Jock bring in the spirit! Amen.
Chronological List of Poems
Alphabetical List of Poems
414.
Impromptu on Dumourier’s Desertion of the French Republican Army
YOU’RE welcome to Despots, Dumourier;
You’re welcome to Despots, Dumourier:
How does Dampiere do?
Ay, and Bournonville too?
Why did they not come along with you, Dumourier? 5
I will fight France with you, Dumourier;
I will fight France with you, Dumourier;
I will fight France with you,
I will take my chance with you;
By my soul, I’ll dance with you, Dumourier. 10
Then let us fight about, Dumourier;
Then let us fight about, Dumourier;
Then let us fight about,
Till Freedom’s spark be out,
Then we’ll be d — d, no doubt, Dumourier. 15
Chronological List of Poems
Alphabetical List of Poems
415.
The last time I cam o’er the Moor (Song)
THE LAST time I came o’er the moor,
And left Maria’s dwelling,
What throes, what tortures passing cure,
Were in my bosom swelling:
Condemn’d to see my rival’s reign, 5
While I in secret languish;
To feel a fire in every vein,
Yet dare not speak my anguish.
Love’s veriest wretch, despairing, I
Fain, fain, my crime would cover; 10
Th’ unweeting groan, the bursting sigh,
Betray the guilty lover.
I know my doom must be despair,
Thou wilt nor canst relieve me;
But oh, Maria, hear my prayer, 15
For Pity’s sake forgive me!
The music of thy tongue I heard,
Nor wist while it enslav’d me;
I saw thine eyes, yet nothing fear’d,
Till fear no more had sav’d me: 20
The unwary sailor thus, aghast,
The wheeling torrent viewing,
‘Mid circling horrors yields at last
To overwhelming ruin.
Chronological List of Poems
Alphabetical List of Poems
416.
Logan Braes (Song)
Tune— “Logan Water.”
O LOGAN, sweetly didst thou glide,
That day I was my Willie’s bride,
And years sin syne hae o’er us run,
Like Logan to the simmer sun:
But now thy flowery banks appear 5
Like drumlie Winter, dark and drear,
While my dear lad maun face his faes,
Far, far frae me and Logan braes.
Again the merry month of May
Has made our hills and valleys gay; 10
The birds rejoice in leafy bowers,
The bees hum round the breathing flowers;
Blythe Morning lifts his rosy eye,
And Evening’s tears are tears o’ joy:
My soul, delightless a’ surveys, 15
While Willie’s far frae Logan braes.
Within yon milk-white hawthorn bush,
Amang her nestlings sits the thrush:
Her faithfu’ mate will share her toil,
Or wi’ his song her cares beguile; 20
But I wi’ my sweet nurslings here,
Nae mate to help, nae mate to cheer,
Pass widow’d nights and joyless days,
While Willie’s far frae Logan braes.
O wae be to you, Men o’ State, 25
That brethren rouse to deadly hate!
As ye make mony a fond heart mourn,
Sae may it on your heads return!
How can your flinty hearts enjoy
The widow’s tear, the orphan’s cry? 30
But soon may peace bring happy days,
And Willie hame to Logan braes!
Chronological List of Poems
Alphabetical List of Poems
417.
Blythe hae I been on yon hill (Song)
Tune— “The Quaker’s Wife.”
BLYTHE hae I been on yon hill,
As the lambs before me;
Careless ilka thought and free,
As the breeze flew o’er me;
Now nae langer sport and play, 5
Mirth or sang can please me;
LESLEY is sae fair and coy,
Care and anguish seize me.
Heavy, heavy is the task,
Hopeless love declaring; 10
Trembling, I dow nocht but glow’r,
Sighing, dumb despairing!
If she winna ease the thraws
In my bosom swelling,
Underneath the grass-green sod, 15
Soon maun be my dwelling.
Chronological List of Poems
Alphabetical List of Poems
418.
O were my love you lilac fair (Song)
Air— “Hughie Graham.”
O WERE my love yon Lilac fair,
Wi’ purple blossoms to the Spring,
And I, a bird to shelter there,
When wearied on my little wing!
How I wad mourn when it was torn 5
By Autumn wild, and Winter rude!
But I wad sing on wanton wing,
When youthfu’ May its bloom renew’d.
O gin my love were yon red rose,
That grows upon the castle wa’; 10
And I myself a drap o’ dew,
Into her bonie breast to fa’!
O there, beyond expression blest,
I’d feast on beauty a’ the night;
Seal’d on her silk-saft faulds to rest, 15
Till fley’d awa by Phoebus’ light!
Chronological List of Poems
Alphabetical List of Poems
419.
Bonie Jean: A Ballad
To its ain tune.
THERE was a lass, and she was fair,
At kirk or market to be seen;
When a’ our fairest maids were met,
The fairest maid was bonie Jean.
And aye she wrought her mammie’s wark, 5
And aye she sang sae merrilie;
The blythest bird upon the bush
Had ne’er a lighter heart than she.
But hawks will rob the tender joys
That bless the little lintwhite’s nest; 10
And frost will blight the fairest flowers,
And love will break the soundest rest.
Young Robie was the brawest lad,
The flower and pride of a’ the glen;
And he had owsen, sheep, and kye, 15
And wanton naigies nine or ten.
He gaed wi’ Jeanie to the tryste,
He danc’d wi’ Jeanie on the down;
And, lang ere witless Jeanie wist,
Her heart was tint, her peace was stown! 20
As in the bosom of the stream,
The moon-beam dwells at dewy e’en;
So trembling, pure, was tender love
Within the breast of bonie Jean.
And now she works her mammie’s wark, 25
And aye she sighs wi’ care and pain;
Yet wist na what her ail might be,
Or what wad make her weel again.
But did na Jeanie’s heart loup light,
And didna joy blink in her e’e, 30
As Robie tauld a tale o’ love
Ae e’ening on the lily lea?
The sun was sinking in the west,
The birds sang sweet in ilka grove;
His cheek to hers he fondly laid, 35
And whisper’d thus his tale o’ love:
“O Jeanie fair, I lo’e thee dear;
O canst thou think to fancy me,
Or wilt thou leave thy mammie’s cot,
And learn to tent the farms wi’ me? 40
“At barn or byre thou shalt na drudge,
Or naething else to trouble thee;
But stray amang the heather-bells,
And tent the waving corn wi’ me.”
Now what could artless Jeanie do? 45
She had nae will to say him na:
At length she blush’d a sweet consent,
And love was aye between them twa.
Chronological List of Poems
Alphabetical List of Poems
420.
1 comment